جهازي هو بلاكبيري ستورم قررت اني افكك الجهاز تفكيك كامل واشوف شو محتواه وشو الي داخله ! بالمره نسوي عملية تنظيف ونغير القطعه الخاصة الي تحمي الشاشة من الخدوش

هذا الجهاز قبل التفكيك :

وهذا الجهاز بعد التفكيك الكامل 

نعطيكم اجزاء الجهاز ..

رقم 1 : غطاء صغير موجود تحت الازرار الأمامية

رقم 2 : البطارية

رقم 3: شاصي التيلفون الداخلي الي يتركب عليه اجزاء الجهاز المهمه

رقم 4: ست براغي خاصة بالجهاز

رقم 5 : غطاء خلفي للكاميرا والفلاش

رقم 6: شاشة الجهاز

رقم 7 : هذا هو الجزء المهم وهو التيلفون الي فيه الداتا وباقي الخربطان 

رقم 8 : غطاء خلفي للبطارية

رقم 9: غطاء خلفي للشاصي ويتم تثبيته مع الشاصي كوحدة واحدة

رقم 10: الميموري كارد

رقم 11: سيم كارد اتصالات

رقم 12 : غطاء صغير علوي مكانه فوق الشاشة وفيه السماعة والLED

رقم 13 : الغطاء الامامي للجهاز مع الازرار

طريقة فك الجهاز نحتاج الى مفك خاص اسمه T6 وقطعه بلاستيكيه خاصة لفتح اجزاء الجهاز بدون ما نعمل له خدوش

اولا نجهز الحلو ونفصل البطارية ونشيل الميموري والسيم كارد

 في هالخطوة لقينا اول برغيين في الجهاز  الحين باقي اربع براغي لازم ندور مكانهم

الحين نشل غطاء الكاميرا باستخدام القطعه البلاستيكيه بحذر

هني بعد تفكيك الغطاء

تحت الغطاء لقينا برغيين اثنيين  وصاروا الحين اربع براغي

نقلب الجهاز ونفكك الغطاء الامامي الصغير الموجود تحت الازرار باستخدام القطعه البلاستيكيه

بعد تفكيك الغطاء الامامي نلقى برغيين اماميين وصاروا الحين عندنا 6 براغي

نبدا الحين في فك البراغي الاربع خلف الجهاز مع فك البراغي الاماميه

الحين نبدا في عملية فتح الجهاز بتمرير القطعه البلاستيكيه لفصل الغطاء الخلفي للشاصي عن الغطاء الامامي للجهاز من الجانبين

بعد فك الغطاء نشوف الجزء المهم للجهاز وهو التيلفون الي فيه الداتا و و و و

الحين نقلب الجهاز ونفصل الغطاء الامامي هني في خطوة بسيطه قبلها نفصل كيبل صغير موصل من القطعه المهمه الى الغطاء الامامي وبعدين نفصل الغطاء الامامي

الحين نفصل كيبل خاص لداتا الشاشه تمهيدا لفصل الشاشه عن الجهاز

نجلب الجهاز ونفصل الشاشة

الان نفصل كيبل داتا ثاني بين الشاصي والجزء المهم

واخيرا نفصل الجزء المهم للجهاز عن الشاصي

 واخيرا الجهاز قطعه قطعه ومفكك بالكامل

انا في هالخطوة فكرت اني اغير الاسكرين بروتيكتر وهي القطعه الشفافه الي تحمي الشاشه من الخدوش طبعا لو تلاحظون في هالصورة ان الشاشه عليها خدوش كثيره  قلت اغيرها بالمره

يبت القطعه الجديده وجهزت الشاشه وشليت القطعه القديمه اولا

بعد التركيب والشاشة صافيه وحلوه 

واخيرا نرد ونجمع ونركب القطع مع بعض ونشغل الجهاز 

مبروك الجهاز يشتغل ونظيف والامور ميه ميه 

واخيرا لا انا ولا الموقع يتحمل اي خطأ او تدمير او تلف اجهزتكم طبعا هذا للناس الي تفكر تفتح الجهاز وتشوف الي شفته  تقبلوا تحياتي

9 تعليقات »